Haitidə ölənlərin sayı 900-ə çatdı
Haitidə qasırğa nəticəsində həlak olanların sayı 877 nəfəri ötüb
Ölkə.Az xəbər verir ki, xilasetmə qrupu dağıntılar altından yeni cəsədlər tapır. Bütün sahilyanı ərazi xarabalığa çevrilib. Təbii fəlakət nəticəsində yarım milyon adam zərər çəkib.
350 min sakin təcili surətdə humanitar yardıma ehtiyac duyur. Ölkədə BMT-nin və Qırmızı Xaçın əməkdaşları fəaliyyət göstərir. Müvəqqəti düşərgələrə dərman, qida və təmiz su ehtiyatı göndərilir. Qasırğa nəticəsində yaranan sel suları minlərlə evi məhv edib.
"Metyü" qasırğası artıq ABŞ sahillərinə çatıb. Florida ştatında artıq 4 nəfər həyatını itirib. Bir milyon insan işıqsız qalıb. 32 min insan sığınacaqlara toplaşıb. İki milyon insan materikin dərinliklərinə köçüb. Mehmanxanalar ağzına qədər doludur. Ölkənin cənubi-şərqində 5 min avia reys təxirə salınıb. Mayami, Orlando və Fort-Loderdeyl hava limanlarının işində ciddi problemlər yaranıb. "Disney" parkı bağlanıb.
Hikmət
Ölkə.Az
