Ərdoğandan Putinə mesaj
Biz Rusiyanın Krım tatarları ilə bağlı atdığı addımları tanımırıq.
Bu barədə Estoniyada səfərdə Türkiyə prezidenti Rəcəb Tayyib Ərdoğan Estoniya prezidenti Tomas Hendriklə birgə keçirdiyi mətbuat konfransında deyib.
Ərdoğana Krım tatarları ilə bağlı sual verilib. Prezident isə bildirib ki, Türkiyə hökuməti Rusiyanın Krım tatarları ilə bağlı atdığı addımları, verdiyi qərarları tanımayıb və tanımır.
Krım tatarlarına hər cür dəstək verdiklərini deyən Ərdoğan Estoniyaya krım tatarlarına verdiyi dəstəyə görə təşəkkür edib.
"Başda cənab Putin olmaqla ən üst səviyyədə Krım tatarları ilə bağlı görüşləri davam etdiririk. Çünki bu dövrdə bu cür hadisələri diplomatik yollarla sülh çərçivəsində həllinin tərəfdarıyıq", deyə Ərdoğan bildirib. (anspress)
Ölkə.Az
