Efirdə Nərgiz Cəlilovadan Rasim Balayevə gözlənilməz

Xalq artisti Rasim Balayev qonağı olduğu "Sevilənlər" verilişində maraqlı açıqlamalarla yadda qalıb.

Ölkə.Az-ın məlumatına görə, Nərgiz Cəlilovanın aparıcısı olduğu verilişdə sənətkar 70-80-ci illərdə çəkildiyi filmlərdəki yaddaqalan məqamlardan söz açıb:

""Babək" filminə çəkiləndə 40-45 dərəcə isti var idi. Hava o qədər isti idi ki, atlarımızın başını gündən qorumaq üçün nəsə bağlayırdılar, amma aktyorlar o istidə çəkilirdilər. Mənim də misdən bir dəbilqəm var idi. Bəzən elə olurdu ki, alnım yanırdı".

Sənətkar yaratdığı obrazların onun xarakterinə təsiri barədə də danışıb:

"Hər obrazın tozunun tozu da olsa, adamın canında qalır. Nəsimini, Babəki, Beyrəyi oynamış adam necə yaltaq ola bilər?"

Nərgiz Cəlilova bu yerdə Balayevin oynadığı nazir köməkçisi obrazını yada salıb. Aparıcının "Axı o rolu da oynamısınız. Bəs o da canınıza hopubmu?" formasında verdiyi gözlənilməz suala Balayev belə cavab verib:

"Fikir verirsinizsə, orada bir nifrət var. Ona görə də həmin obrazdakı xarakter canıma hopa bilməz".

İntiqam VALEHOĞLU
Ölkə.Az