"Normand dördlüyü"nün görüş tarixi bəlli oldu
"Normand dördlüyü" iştirakçısı olan dövlət liderlərinin görüşü 19 oktyabr tarixində Berlində baş tutacaq.
Ölkə.Az xəbər verir ki, "normand formatı"nın üç lideri Merkel tərəfindən Berlinə şam yeməyinə dəvət edilib. Görüş 19 oktyabr tarixinə planlaşdırılıb.
Daha əvvəlcə Rusiya Prezidentinin mətbuat katibi xəbər vermişdi ki, şərqi Ukrayna konfliktinin nizamlanması üçün "normand dördlüyü" danışıqlara hazırlaşır.
Ukraynanın diplomatik dairələrinin verdiyi xəbərə görə, Kiyev danışıqlarda iştirak etməyə razılıq verməyib. Rəsmi Kiyevin yol xəritəsi ilə bağlı tələbləri var. Bu tələblər yerinə yetirilmədən heç bir görüş reallaşa bilməz.
Xatırladaq ki, "Normand formatı" Ukraynada sülhün bərqərar olması üçün Rusiya, Ukrayna, Almaniya və Fransa təmsilçilərinin iştirak etdiyi danışıqlardır.
Hikmət
