Misirdə fövqəladə vəziyyət elan edildi

Misir Israillə sərhəddə fövqəladə vəziyyət elan edir.

Ölkə.Az xəbər verir ki, Misirin Milli təhlükəsizlik şurası oktyabrın 25-nə keçən gecəni İsraillə sərhəddə yüksək döyüşə hazırlıq kimi elan edib. Bu qərar Sinay yarımadasında baş verən silsilə teraktlar və sərhəddə qeydə alınan gərginlikdən sonra qəbul olunub. Fövqəladə vəziyyət rejimi Misir-İsrail sərhədinin bütün hissələrinə şamil olunur.

Bununla yanaşı, Misirin Qəzza ilə sərhədində 3 saatlıq komendant saatı elan olunub. Ola bilsin ki, bu müddət vəziyyətə uyğun olaraq daha da uzadıldı.

Misirin daxilində dünən sərhəddə baş verən teraktda həlak olanlara görə 3 günlük matəm hökm sürür. Əl-Arişadan şimal-qərbdə yerləşən sərhəd bölgəsində terakt nəticəsində 29 hərbçi dünyasını dəyişib. Xatırladaq ki, bu sünni terrorçular tərəfindən misir ordusuna qarşı edilmiş ən böyük teraktdır.

Sinay yarımadasında fəaliyyət göstərən ən fəal terrorçu qruplaşma "Ənsar Beyt əl-Makdis"-dir. Bu qruplaşma "Əl-Qaidə" və "İŞİD"-lə əlbir fəaliyyət göstərir.

Rəşid Mustafazadə

Ölkə.Az