Klintonun qızı kimi intihara sövq edib?

Wikileaks-in yaydığı yeni məlumatlarda Klintonlar ailəsi haqda yeni detallar oxuculara şok effekti yaşadıb

Yeni iddialara əsasən ABŞ prezidentliyinə namizəd Hillari Klintonun qızı Çelsi Klinton bir nəfər işçini intihara sürükləyib.

Portal bir müddət əvvəl Hillari Klintonun şəxsi elektron qutusuna aid məktubları ictimaiyyətə yaymışdı. Bu dəfə isə prezidentliyə namizəd Hillari, onun əri-eks prezident Bill Klinton və qızı Çelsi Klinton haqda yeni materiallar üzə çıxıb.

Bill Klintonun köməkçisi Duq Bendin "şıltaq uşaq" adlandırdığı Çelsi Klinton haqda göndərdiyi elekron məktubda "Clinton" xeyriyyə cəmiyyətində çalışan Laura Qrahamın intiharı barədə məlumat verilib.

Bu məlumata əsasən, Çelsinin kaprizlərindən cana doyan Laura intihara əl atıb. Başqa bir məktubda isə cəmiyyətin idarə heyətinin sədri Brüs Lindseyin də stress səbəbindən ciddi xəstəliyə düçar olduğu bildirilib.

Hikmət
Ölkə.Az