"Çimnaz xanım yuxudadır" Ağdamda

Ağdam Dövlət Dram Teatrında Süleyman Rüstəmin "Çimnaz xanım yuxudadır" pyesi əsasında hazırlanmış eyniadlı tamaşanın ictimai baxışı olub.

Ölkə.Az-ın məlumatına görə, tamaşaya quruluşu teatrın baş rejissoru, əməkdar artist Sərvər Əliyev verib.

Quruluşçu rəssamı Yusif İmamverdiyev, bəstəkarı əməkdar incəsənət xadimi Sərdar Fərəcov olan tamaşanın rəqslərinin quruluşu Vüsal Mehrəliyevindir. İctimai baxışda Ağdam rayonunun ziyalıları iştirak ediblər. Tamaşaadan sonrakı çıxışlarda uğurlu aktyor yozumu və aktyor oyunu təqdir edilib.

Tamaşada rejissorun kukla teatrının elementlərindən məharətlə istifadə etdiyi vurğulanıb.

Xatırladaq ki, tamaşada əməkdar artist Aida Qasımova, aktyorlar Səbuhi Əhmədov, Afaq Əliyeva, Elgiz Mürşüdov və başqaları rol alıblar.

İntiqam VALEHOĞLU
Ölkə.Az