Ermənistanda yeni istefa

Bu gün jurnalistlərlə görüş zamanı Ermənistan prezident aparatının sədr müavini Viktor Dallakyan tutduğu vəzifədən istefa verdiyini və Respublika partiyası sıralarını da tərk edəcəyi barədə məlumat verib

Ölkə.Az xəbər verir ki, parlamentin növbəti iclasında dövlət rəsmisi istefa ərizəsini təqdim edib.

Viktor eyni zamanda qeyd edib ki, siyasətlə məşğul olacaq və 2017-ci ildə ölkədə keçiriləcək parlament seçkilərində iştirak edəcək.

Dallakyan eyni zamanda istefadan sonra əgər özünün və ailəsinin başına bir iş gələrsə, bu məsələdə Serj Sarkisyanın məsuliyyət daşıyacağını bildirib.

Qeyd edək ki, Viktor Dallakyanın ölkənin hakim partiyasından imtina etməsi ilk hal deyil. Mətbuatda dolaşan fikirlərə əsasən, Dallakyan yeni partiya qurmaq və keçmiş müdafiə naziri Seyran Ohanyanı da bu partiyaya dəvət etmək fikrindədir.

Hikmət
Ölkə.Az