Putin Yanukoviçə kömək etdiyini etiraf etdi

Putin Yanukoviçə Ukrayna ərazisindən qaçmağa yardım etdiyini etiraf edib.

Ölkə.Az xəbər verir ki, dünən "Valday" diskussiya klubunun üzvləri ilə görüşdə Rusiya Federasiyasının prezidenti Vladimir Putin 2013-cü ilin fevralında eks-prezident Vladimir Yanukoviçə Ukraynadan Krıma qaçmağa kömək etdiyini boynuna alıb. Bu etiraf ilk növbədə Ukraynanın KİV-in diqqətini çəkib.

"Gizlətməyəcəm, biz ona Krıma keçməyə kömək etdik. Yanukoviç orada bir neçə gün qaldı. O zamanlar Krım Ukraynanın tərkib hissəsi hesab olunurdu", - deyə Putin bildirib.

Putinin sözlərinə görə, Yanukoviç ona kömək üçün müraciət edib və Rusiya hökuməti razılıq verib:

"Yanukoviç Rusiyaya köçürülməsini xahiş etdi, biz də onun dediyini etdik".

Xatırladaq ki, Rusiya bu ilin fevralından Krımı işğal edərək özünə birləşdirib.

Rəşid Mustafazadə

Ölkə.Az