Canluici Buffon \"Qızıl buts\" geyinəcək

İtaliyalı qapıçı Canluici Buffon futbolun inkişafına verdiyi töhfələrə görə prestijli "Qızıl buts" mükafatına layiq görülüb.

"Yuventus"un və İtaliya milli yığmasının 38 yaşlı qolkiperi səsvermə zamanı Krişitanu Ronaldu, Lionel Messi, İker Kasiliyas və digər futbol ulduzlarını qabaqlayaraq "Qızıl buts" mükafatını əldə edib. Buffon bu mükafata layiq görülən ilk qapıçıdır.

İtaliyalı qolkiperə mükafat Monako knyazı 2-ci Alber tərəfindən təqdim edilib. Ənənəyə uyğun olaraq, ulduz idmançının qızıl ləpiri Monte-Karlodakı şərəf lövhəsinə vurulacaq.

Xatırladaq ki, Buffon karyerası boyu 9 dəfə İtaliya çempionu olub. İki dəfə çempionlar liqasının final mərhələsində qapı qoruyub. 2006-cı ildə isə dünya çempionu olub. 2018-ci ildə Rusiyada keçiriləcək dünya çempionatından sonra Canluici idmanla vidalaşacaq.

Hikmət
Ölkə.Az