İtirilmiş Atlantida Talış dağlarında yerləşib?
Atlantida İmperiyası doğrudanmı Azərbaycanda yerləşib?
Ölkə.Az olaraq sirli, əfasanəvi Atlantida materiki barədə fərziyyələri təqdim edirik.
Öncə bildirək ki, Atlantida adası ilk dəfə qədim yunan alimi Platon tərəfindən adı çəkilən əfsanəvi ada və ya qitədir.
Atlantidanın faciəvi tarixi haqqında məlumatlara ilk dəfə qədim yunan filosofu Platonun əsərlərində rast gəlinir. Platon bu məlumatları babasından, o isə Misir rahiblərindən eşitdiyini deyir. Atlantidanın yeri haqqında müxtəlif fikirlər mövcuddur. Bəziləri onun Atlantik okeanında, bəziləri isə Egey dənizində yerləşdiyini iddia edir. Bir çoxları Misir ehramların tikilişini yad planetlilər və atlantlarla əlaqələndirirlər.
Fərziyyəyə görə, Atlantida adası, ilkin materiyada, yəni, göydə yaradılmış ada rəmzində ruhlar dünyasıdır. Bu adada Poseydon, ölümlü qadın Kleytodan olan öz şahlar nəslini yerləşdirmişdir. Kleyto rəmzi qədim mənbələrdə Kelt, Gilad, Qalaad, Xilat, Xüld və s. kimi yazılır və Gel-Ata fikrini ifadə edir. Lakin bu rəmz eyni zamanda təsəvvüfdə Tala-Ağa kimi də oxunur ki, bu da Allah Talanın Gel eli ilə bağlı olması deməkdir.
Quranın Furqan surəsində (25:15) Kleyto rəmzi Xüld kimi yazılır və bilavasitə cənnətin adı kimi göstərilir. Xilat və ya Kleyto rəmzləri ilə eyni məna verən Xüld rəmzinin cənnətə aid edilməsi, Atlantidanın məhz Tilos, yəni, Talış dağlarının üstündə yaradılması mənasını verir. Şumer mətnlərinə görə isə Şumer Allahlarının vətəni Tilos (Dilmun) cənnətidir. İngilis antropoloqu Ceyms Freyzer "Qızıl budаq" (ing. The Golden Bough) əsərində, Silvi şahlarının banisi öləndən sonra tanrılardan birinə çevrilərək Alban dağlarının üstündəki fəzada qərar tutduğunu qeyd edir.Bu isə o deməkdir ki, Talış dağları elə Alban dağlarıdır və göydəki Qeb (Qeyb) aləmi də burada yaradılmışdır.
Atlantidanın Herakl sütunları tərəfində yerləşdiyi haqqında bir sıra fərziyyələr vardır.Fərziyyələrə görə, bura eyni zamanda, sütunlar şəhəri olan və Ad oğlu Şəddadın qızıl və gümüş kərpicdən tikdirdiyi İrəm zat əl-İmad şəhərinin obrazıdır. Yəni, Atlantida, yerin altında gizlədilmiş və qədim Misirdə ölüm şahlığı sayılan Sokarın (Aid/Qades) göydəki obrazıdır. Quranın Qəmər surəsi (54:48), Muddəssir surəsi (74:26) və Qəsəs surəsinin (28:43) ayələrində Sokar rəmzi Sakar kimi yazılır və "cəhənnəm odu" mənasını verir. Digər mənbələrdə Arsak kimi yazılan və bilavasitə ilahi odun (Nuri-Azər) qorunduğu yerlə bağlı olan Arsak və ya Arşak yeri Əl-Kufiyə görə Ərdəbildən 45 km yol məsafəsində yerləşir ki, bu da kaduslar ("kuddus" – müqəddəs) diyarı olan Talış dağlarının ərazisinə düşür. Bütün bunlar o nəticəyə gətirib çıxarır ki, Atlantida - Misir fironu Ra-Amonun (Ra-Əman/Rəhman) göydə yaratdığı ruhlar dünyasıdır. Atlantlar isə dünya üzərində hökmran kimi ilk yaradılmış Oziri (Azər) nəsli olan türk bəgləri, pirlər, seyidlər, şıxlar və s. müqəddəslər nəslinin əcdadlarıdır.
Bu haqda Firudin Gilar Bəg "Batini-Quran" əsərində məlumat verir.Bu əsərdə qey edilir ki, nəhənglər nəsli kimi yaradılan bu insanlar günah işlətdikləri üçün "Allah əlini qoyub onları kiçiltmiş" və onlar öz qüdrətlərini itirmişlər.
Materialda Ə Rəcəbov, Y. Mamedov, "Orxon – Yenisey abidələri" əsəri və B., 1993 və Firudin Gilar Bəg, Böyük Azərbaycana aparan yeganə yol Yoxlanılıb məqaləsindən istifadə olunub.
Rəşid Mustafazadə
Ölkə.Az
