Əfqanıstanda qadın və kişilər üçün kafe açıldı

Əfqanıstanın paytaxtı Kabil şəhərində ilk dəfə olaraq həm qadınlar həm də kişilər üçün nəzərdə tutulmuş "Barana" adlı kafe fəaliyyətə başladı.

Ölkə.Az xəbər verir ki, Kabil şəhərində bir çox kafe və restoran olsa da, qadın və kişilərin ortaq istifadə edə biləcəkləri bir məkan bu günə qədər olmayıb.

Yeni açılan kafenin sahiblərindən olan Cahidə Şaban bildirib ki, müəssisə üç nəfər qız tərəfindən idarə edilir. Qeyd etmək lazımdır ki, "Barana"nın sahibi olan bu üç qızdan biri Əfqanıstan iqtisadiyyat nazirliyində, digər iki nəfər isə xarici işlər nazirliyində çalışır.

Şaban eyni zamanda bildirib ki, dostları ilə Hindistanın paytaxtı Dehli şəhərinə səfərləri zamanı belə kafelərdə oturublar və belə bir restoranın Əfqanıstanda da fəaliyyət göstərməyini arzulayıblar.

"Barana"da hələ ki bütün ofisiantlar kişilərdir. Amma yaxın gələcəkdə bu iş qadınlara həvalə ediləcək.

Hikmət
Ölkə.Az