Kliçko və Coşua üz-üzə gələcək

Britaniyalı boks ustası Tayson Fyuri üç versiya üzrə dünya çempionu kəmərindən könüllü surətdə imtina edib

Ölkə.Az xarici mediaya istinadən xəbər verir ki, bu məsələdən sonra son onilliyin ən məşhur qarşılaşması baş tuta bilər.

Dünyanın ən yaxşı boksçusu titulu uğrunda ukraynalı Vladimir Kliçko və britaniyalı Antoni Coşua qarşılaşa bilər. Bu barədə Entoninin nümayəndəsi məlumat yayıb.

Rəqiblər iki kəmər uğrunda güclərini sınayacaqlar. Bu isə son onilliyin ən möhtəşəm boks hadisəsi olacaq.

Bu vaxta qədər Coşua peşəkar rinqdə heç vaxt uduzmayıb. Kliçko isə keçirdiyi 68 görüşdən 64-ündə qalib gəlib.

Xatırladaq ki, Fyuri kokain aludəçisi olduğu üçün dünya çempionu kəmərindən imtina edib.

Hikmət
Ölkə.Az