Kral öldü-yaşasın yeni kral

Taylandın 88 yaşlı kralı Pxumipon Adulyadet vəfat edib

Ölkə.Az xəbər verir ki, bu barədə məlumat kral sarayının mətbuat xidməti tərəfindən yayılıb.

2 gün əvvəl vəziyyəti pisləşən kral Banqkokun xəstəxanalarından birinə yerləşdirilmişdi. Verilən məlumata görə, kralın vəziyyəti çox kritik olub.

Pxumipon Adulyadet 1946-cı ilin iyun ayından taxta yiyələnib. Dünya tarixində ən uzunömürlü taxt-tac varisi sayılır. Onun hakimiyyəti illərində Taylandda 20 dəfə nazirlər kabineti dəyişilib. Konstitusiyaya 18 dəfə əlavələr edilib. 19 dəfə isə dövlət çevrilişi baş tutub.

Kral Taylandda böyük nüfuz sahibi olub. Nüfuzundan istifadə edən Pxumipon ölkədəki siyasi böhranı həll etməyə nail olub.

Qeyd edək ki, Pxumipon Adulyadetdan sonra Tayland taxtına onun 64 yaşlı oğlu Maxa Vaçiralonqkron əyləşəcək.

Hikmət
Ölkə.Az