Qəhvə haqda hər kəsin inandığı
Qəhvə içməyi sevməyən insan çox nadir hallarda tapılar. Planetimizdə milyonlarla insan səhərini bir fincan qəhvə ilə açır. Dünyada neftdən sonra ən çox satılan da elə qəhvədir.
Amma bu günə qədər də qəhvənin fayda və zərərləri haqda mübahisələr davam edir. Ölkə.az bu barədə oxucuları məlumatlandırır. Aşağıda sizə hamının inandığı 10 mifi təqdim edirik:
Qəhvə ayıldır
Qəhvə insana ayılmağa kömək etmir. Əsasən spirtli içki qəbul edən şəxslər qəhvə içərək ayılmağa çalışırlar. Təcrübələr göstərir ki, kofein və spirti qarışdırmaq təhlükəlidir. Əslində isə, kofein sərxoşluq hissini dayandırır və insanı gümrah saxlayır. Bu səbəbdən insanlar elə düşünür ki, qəhvə içən adam ayılır.
Kofein orqanizmi qurudur
Bu mifi çox adam eşidib. Tərkibində kofein olan içkilər sidikqovucu effekti daşıyır. Amma nə çay, nə də qəhvə bədəndən böyük miqdarda maye itkisinə səbəb olmur. Əksinə, bir fincan bu içki orqanizmi su ilə təmin edir
Adi qəhvəyə nisbətən espressonun tərkibində kofeinin miqdarı çoxdur
Qətiyyən belə deyil. Bir fincan adi qəhvənin tərkibində olan kofein miqdarı espressonun tərkibində olan kofein miqdarından çoxdur. Əgər bir fincan espressonun tərkibində 30-50 qram kofein varsa, adi qəhvənin tərkibində bu miqdar bir neçə dəfə çoxdur.
Qəhvə boy artımına mane olur
Niyəsə bəzi valideynlər övladlarına qəhvə verməyə qorxsalar da, kola içmələrinə mane olmurlar. Qəhvə içməklə boy artımı arasında heç bir əlaqə yoxdur. Tərkibində kofein olan içkilər kalisum artımına mane olsa da, bir xörək qaşığı süd 240 ml qəhvənin vurduğu ziyanı bərpa edə bilir.
Qəhvə asılılıq yaradır
Kofein vərdişi tez yaranır. Amma bunu asılılıq kimi dəyərləndirmək olmaz. Narkotik maddələrdən fərqli olaraq kofein insanın psixoloji və fiziki sağlamlığına mənfi təsir göstərmir. Əgər qəhvədən qəflətən imtina etsəz, bir neçə gün başağrısı yaşaya bilərsiniz.
Qəhvə yuxusuzluq yaradır
Bir fincan qəhvəni 3-5 saat fasilələrlə qəbul etmək lazımdır. Əgər yuxudan 6 saat əvvəl qəhvə içsəniz, heç bir halda sizə yatmağa mane olmayacaq. Yuxusuzluq isə kofeinə qarşı həssaslıq yaranmış insanlarda ortaya çıxa bilər.
Yaxşı qovrulmuş qəhvənin tərkibində kofein miqdarı çoxdur
Yaxşı qovrulmuş qəhvənin daha dolğun dadı var. Amma qovrulma prossesi qəhvə dənələrinin tərkibindəki kofeini parçalayır. Bu səbəbdən tünd qəhvənin tərkibində kofein miqdarı daha az olur.
Hamilə qadınlar qəhvə içməməlidir
Tədqiqatlar göstərib ki, qəhvə nə hamilə qadına, nə də bətndəki körpəyə neqativ təsir göstərmir. Amma gündəlik maksimal kofein qəbulu 200 mq-ı keçməməlidir. Qəhvə heç bir halda uşağın inkişafına mane ola bilməz.
Qəhvə xərçəng və digər xəstəliklərin inkişafına səbəb olur
Bir çox tədqiqat nəticəsinə əsasən, kofein orqanizmi bir çox xəstəliklərdən qoruyur. Qəhvə qəbul edən insanlarda melanom, döş xərçəngi, Alsqeymer və Parkinson xəstəliklərinə yoluxma riski azalır.
Qəhvə metabolizm prossesini sürətləndirir
Kofein dünyada ən çox istifadə edilən maddə sayılır. Qəhvə isə əslində orqanizmi enerji ilə təmin edir və maddələr mübadiləsini sürətləndirir. Amma müntəzəm olaraq qəhvədən istifadə etdikdə orqanizm bu maddəyə alışır və metobalizm prossesinə heç bir təsir göstərmir.
Hikmət
