ABŞ Kuba əleyhinə sanksiyalarda güzəştə getdi

ABŞ hökuməti həftənin cümə günü Kuba əleyhinə olan sanksiyaların yumşaldıldığı barədə bəyanat verib.

Ölkə.Az xəbər verir ki, iki ölkə arasında pul köçürmələri, alkoqollu içkilərin və digər məhsulların eksportuna müəyyən güzəştlərə gedəcək. Bu barədə məlumat dövlətin maliyyə nazirliyinin rəsmi internet səhifəsində dərc edilib.

Amerika hakimiyyətinin verdiyi məlumata əsasən, humanitar ehtiyaclarla əlaqəli pul köçürmələri, səyahət və təhsil ilə bağlı sərt qadağalara dəyişikliklər edilib.

Bundan başqa, istehlak üçün nəzərdə tutulmuş, qida, yüngül sənaye və alkoqollu içkilərin eksportu da xeyli sadələşdirilib.

Rəsmilərin fikrinə görə, bu addım konstruktiv dəyişikliklərə səbəb olacaq, Kuba və Amerika sakinlərinin iqtisadi imkanlarını genişləndirəcək.

Hikmət
Ölkə.Az