Miranda Kerin evinə silahlı basqın edilib

Məşhur model Miranda Kerr Malibuda yerləşən lüks evində silahlı basqına məruz qalıb.

Ölkə.Az xəbər verir ki, şəxsiyyəti bilinməyən silahlı soyğunçu modelin evinə soxulmağa cəhd edib. Hadisə zamanı modelin mühafizəçisi gözündən bıçaqlanıb. Basqın zamanı başqa bir şəxs tərəfindən ev atəşə tutulub.

Hadisə baş verən zaman Miranda və 5 yaşlı oğlu Flinn evdə olmayıb. Soyğunçu divardan tullanaraq həyətə daxil olub və təhlükəsizlik xidməti əməkdaşına bıçaq zərbəsi endirib. Mühafizəçi isə öz növbəsində atəş açaraq soyğunçunu yaralayıb. Hadisə yerinə gələn təcili tibbi yardım əməkdaşları yaralıları xəstəxanaya aparıb.

Hikmət
Ölkə.Az