Ermənistan ordusunun əsgəri öldürülüb
Ermənistan Silahlı Qüvvələrinin əsgəri Vaaqn Viravyan növbədə olarkən öldürülüb.
"Report" Ermənistan KİV-inə istinadən xəbər verir ki, bu haqda ölkə İstintaq Komitəsinin mətbuat xidməti məlumat yayıb.
Hadisə oktyabrın 15-də səhər saatlarında baş verib.
Məlumata görə, hadisənin baş verdiyi yerdə araşdırma aparılıb, əsgərin öldürüldüyü silah aşkar edilib, onun kimə mənsub olduğu müəyyənləşdirilib.
Vaaqn Viravyanın əsgər yoldaşı tərəfindən öldürüldüyü ehtimal edilir.
