\"Onu əvəzedici komandaya göndərmişəm\"
"Vacib 3 xal qazandıq. Asan olmadı. Rəqib hər oyun bizə qarşı fərqli oyun üslubda çıxış edir. Azarkeşlərimiz sevindi, 3 qol gördülər. Çoxdandır futbolçular bir yerdə deyildi. Buna görə də bəzi çatışmazlıqlar var idi. Qarşıdakı PAOK-la vacib oyunumuz var. Amma bütün fikirlərimiz bu oyunda idi. 4 günümüz var. Bu müddət ərzində məşqlərdə diqqətli olmalıyıq. Rəqibi analiz edib, oyuna hazırlaşmalıyıq. Samir Abasova uğurlar arzu edirəm. Hər oyun meydanda yeniliklər edir. Bu da onun çalışqanlığının göstəricisidir".
Ölkə.Az-ın futbol11.az-a istinadən yaydığı xəbərə görə, bu sözləri "Qarabağ"ın baş məşqçisi Qurban Qurbanov Topaz Premyer Liqanın 8-ci turunda "Sumqayı"la oyundan(3:0) sonra keçirilən mətbuat konfransında deyib.
Daha sonra o, jurnalistlərin suallarını cavablandırıb.
- Siz çətin oyun keçdiyini desəz də, Samir Abasov "Qarabağ"ın məşq etdiyini söylədi...
- Mən sadəcə, öz fikirlərimi bildirdim. Həqiqətən də çətin idi. Çünki futbolçular xeyli müddət bir yerdə deyildi. Futbolçular üçün də asan olmadı.
- Rəşad Sadıqovun durumu nə yerdədir?
- Rəşad sabahdan məşqlərə başlayacaq. Amma ağrıları var. Həkim nəzarətindədir. Həkimlər daha diqqətli olmalıdırlar ki, zədənin üzərinə zədə yüklənməsin.
- İlqar Qurbanovun oyunundan razı qaldınız?
- İlqar elə futbolçudur ki, ona tərifləmək olmaz (gülür). Oyunun gedişatında istədiyimiz oyunu qura bilmirdik. Ümumi olaraq razı qaldım. Sona kimi daha da diqqətli olmalıdı. Amma bəzi çatışmazlıqları var.
- Elvin Yunuszadə haradadır?
- Elvinin qızdırması var. Onu əvəzedici komandaya göndərmişdim. İntizamı pozmuşdu. Sağlam olsaydı da, oynamayacaqdı.
- Vüqar Nadirov əvəzedici komandanın son oyununda iki qol vurub. Növbəti oyunlarda onun əsas komandanın heyətində meydandan görə bilərik?
- Vüqar üzərində həqiqətən də çalışır. Əvəzedicilərdə qolsuz meydanı tərk etmir. Qarşıdakı oyunlarda çıxış etmə ehtimalı çoxdur.
