Tramp Putinlə görüşə can atır

Donald Tramp seçkilərdə qələbə qazanacağı təqdirdə inauqurasiya mərasiminə qədər Rusiya prezidenti ilə görüşməyə hazırdır.

Ölkə.Az xəbər verir ki, ABŞ prezidentliyinə namizəd Donald Tramp radioya verdiyi müsahibədə bu barədə fikir bildirib.

Jurnalistin "keçmiş dövlət katibi Hillari Klinton və prezident Obamanın siyasəti nəticəsində ABŞ və Rusiya arasında yaranan konflikti necə həll edərdiz" sualını cavablandıran Tramp Obamanı səriştəsiz prezident adlandırıb. Milyarderin fikrinə görə, ABŞ və Rusiya arasında nüvə silahlanmasına dair imzalanmış müqavilə Rusiya Federasiyasının nüvə imkanlarına görə Birləşmiş Ştatları üstələməsi ilə nəticələnib.

"Hillari isə, Rusiya ilə sərt danışır. Əgər ABŞ Rusiya ilə münasibətləri normallaşdırsa, İŞİD üzərində qələbə əldə edə bilər. Əgər mən 8 noyabr seçkilərində qalib gəlsəm, fəaliyyətə başlamadan Putinlə görüşə bilərəm. Məncə, bu əla olar", - deyə Donald Tramp əlavə edib.

Hikmət
Ölkə.Az