Türkiyə Mosul əməliyyatında iştirak edəcək

Türkiyənin Mosul əməliyyatında hərbi hava qüvvələri ilə iştirak edəcəyi barədə razılıq əldə edilib.

Ölkə.Az xəbər verir ki, qəbul edilən razılığa əsasən, Türkiyə hava hücumlarında İncirlik və Diyarbəkirdə yerləşən bazalardan istifadə edəcək.

Baş nazir Binəli Yıldırım dünən keçirilən iclasda Türkiyənin Mosul əməliyyatında hava hücumundan istifadə edəcəyini bildirib. Hərbi təyyarələr Küveytdəki Mosul Koalisiya Komandanlığı mərkəzinin əmrinə verilib. Hərbi təyyarələr İŞİD terror təşkilatının hədəflərini bombalayacaq.

Daha sonra açıqlama verən baş nazir bildirib ki, Türkiyə və ABŞ baş qərargah rəisləri səviyyəsində keçirilən görüşdə bu barədə razılığa gəlinib.

Razılığa əsasən, türk şahinləri mülki itki riski olan əməliyyatlarda iştirak etməyəcək. Savaşa qatılan şahinlər gün ərzində ən az 2, ən çox 10 uçuş həyata keçirəcək.

Razılaşmaya əsasən, Mosul əməliyyatı üçün İncirlikdəki koalisiya hərbi qırıcıları da iştirak edəcək. Diyarbəkirdəki hərbi hava bazasından isə mərkəz kimi istifadə ediləcək.

Hikmət
Ölkə.Az