Rusiya və Gürcüstan diplomatik münasibətlərin bərpası barədə düşünür

Rəsmi Moskva və Tbilisi diplomatik münasibətləri bərpa etmək üçün hərəkətə keçiblər

Ölkə.Az xəbər verir ki, Qriqoriy Karasin və Zurab Abaşidze iki ölkənin əməkdaşlığında yaranan problemləri bu gün Praqada müzakirə edəcəklər. Hər iki dövlət bu məsələ ilə bağlı mövqelərində yaxınlaşma nümayiş etdirmək istəyir. Amma tərəflərin buna dair şərtləri var.

Gürcüstan baş nazirinin xüsusi nümayəndəsi Zurab Abaşidze və Rusiya xarici işlər nazirinin müavini Qriqoriy Karasin görüş zamanı bir sıra tələblərin yerinə yetirilməsindən sonra diplomatik münasibətlərin bərpası məsələsinə toxunacaqlar.

Xatırladaq ki, 2012-ci ildən bu tip görüşlər keçirilir. Görüşlər zamanı ticari-iqtisadi problemlər, nəqliyyat kommunikasiya problemləri, humanitar əməkdaşlıq məsələləri müzakirə edilir.

Hikmət
Ölkə.Az