İŞİD yenə ağır itki verdi

İŞİD terrorçuları İraq ordusu ilə döyüşdə növbəti itkilərini verib.

İraqın Ənbar vilayəti mərkəzində İŞİD terror qruplaşması üzvləri ilə ordu qüvvələri arasında silahlı qarşıdurma yaşanıb. Bu barədə Ənbar əməliyyatları üzrə komandan general Rəşid Fəlif bildirib.

Onun sözlərinə görə, Ənbarın şimalındakı Dəclə yolu üzərindəki briqadaya üç istiqamətdən İŞİD-çilərin hücumu olub. Lakin 4 saat davam edən döyüş zamanı 16 İŞİD silahlısı məhv edilib, 3 hərbi texnikaları isə ələ keçirilib.

Qeyd edək ki, İraqda İŞİD silahlıları ilə ordu qüvvələri arasında baş verən qarşıdurmalardan əziyyət çəkməmək üçün bir milyondan çox insan öz yurd-yuvalarını tərk etməli olublar. (anspress)

Ölkə.Az