\"Türk qırıcılarını vuracağıq!\"

Əsəd rejimi atəşlə oynayır.

Rəsmi Dəməşq Suriya səmasında uçan türk hərbi qırıcılarına atəş açacağını bildirib.

Ölkə.Az xəbər verir ki, Suriya ordusunun verdiyi bəyanata görə, dövlətin hava sərhədlərini pozan türk qırıcılarına atəş açılacaq.

Ordu komandanlığı Hələbin şimalında yerləşən Vardiya, Hassacek və Hesya əyalətlərinin bombalanmasında rəsmi Ankaranı günahlandırıb. Bombardman nəticəsində həlak olan 150 nəfər mülki sakinin ölümündə Türkiyə dövlətini ittiham edib.

Suriya kürdləri daha öncədən türk qırıcılarının Suriyanın şimalına 26 uçuş həyata keçirdiyini bəyan etmişdi. Türkiyənin məqsədi Əl-Şahba şəhərini İŞİD yaraqlılarından təmizləməkdir.
Rəsmi Dəməşq bildirib ki, Türkiyənin hərəkətləri Suriyanın suverenliyinə xələl gətirir.

Qeyd edək ki, avqust ayının 24-ündən Türkiyə hərbi birləşmələri "Fərat qalxanı" əməliyyatına başlayıb.

Hikmət
Ölkə.Az