Azərbaycanın Meksikadakı Səfirliyi dövlət müstəqilliyimizin 25-ci il dönümü münasibətilə tədbir təşkil edib
Mexiko şəhərində Azərbaycan Respublikasının Meksikadakı Səfirliyi tərəfindən Azərbaycanın dövlət müstəqilliyinin 25-ci il dönümü münasibətilə tədbir təşkil edilib.
Mərasimdə Meksika Kongresi deputatlar Palatasının Meksika-Azərbaycan dostluq qrupunun üzvləri olan deputatlar, hakim partiya “İnqlabi İnstusional Partiyası”nın sədr müavini Meksika cəmiyyətində böyük nüfuza malik olan xanım Elsa Espinosa və media nümayəndələri iştirak ediblər. Tədbiri giriş sözü ilə açan müvəqqəti işlər vəkili Mehriban Səmədova xalqımızın müstəqilliyə gedən yolda qarşılaşdığı maneələri qəhrəmanlıqla dəf etməsindən və ötən 25 il ərzində ölkəmizin arzu və niyyətlərini gerçəkləşdirərək keçdiyi bənzərsiz inkişaf yolundan, müstəqillik dövründə əldə olunmuş nailiyyətlərdən bəhs etmiş və qonaqlara Azərbaycan haqqında təqdimat xarakterli video çarx nümayiş etdirilmişdir.
Daha sonra, bu günədək öz həllini gözləyən “Dağlığ Qarabağ problemi” və bu problemin aradan qaldırılması üçün dünyanın bütün proqresiv qüvvələrinin səylərinin artırılması və birləşdirilməsi zərurəti barədə tədbir iştirakçıları ilə diskusiyalar aparılmışdır. Sonra isə, müstəqilliyin ildönümü münasibətiə tədbir işrirakçılarına ziyafət verilmişdir. Tədbir başa çatdıqdan sonra müvəqqəti işlər vəkili Mehriban Səmədova Meksikanın “Enlace Judio" Yəhudi Xəbər Portalının jurnalisti Elena Bialostokiyə Azərbaycanın Dövlət müstəqilliyinin 25-ci ildönümünün qeyd olunması ilə əlaqədar müsahibə vermişdir. M.Səmədova ön söz olaraq Şərqin ilk demokratik respublikasının 1918-ci ildə Azərbaycanda qurulduğunu və ərazisində yaşayan bütün millətləri zəruri demokratik təsisatlarla təmin etdiyini, lakin bir sıra daxili və xarici faktorların təsiri nəticəsində iki ildən sonra sovet ordusu tərəfindən işğal edilərək Sovet İttifaqının tərkibinə qatıldığını bildirmişdir. O, Azərbaycan xalqının bu tarixi imkanı bir daha 70 il sonra 1991-ci ildə yenidən əldə etdiyini və müstəqqiliyə gedən yolun hamar olmadığını bildirmişdir. M.Səmədova qeyd etmişdir ki, müstəqilliyi əldə etmək çətindir, lakin onun qorunub saxlanması bundan daha da çətindir. O, müstəqilliyimizin dünya birliyi ölkələri və beynəlxalq təşkilatlar tərəfindən tanındığını, lakin iki il sonra ölkəmizin xarici təcavüz və separatçı qüvvələrin fəaliyyəti nəticəsində bu müstəqilliyi yenidən itirmək təhlükəsi ilə üz-üzə qaldığını, yalnız böyük siyasi təcrübəyə malik olan Heydər Əliyevin hakimiyyətə qayıdışı ilə bu təhlükənin aradan qalxdığını bildirmişdir. 25 illik müstəqillik dövründə Azərbaycanda hansı dəyişikliklərin aparılması ilə bağlı müsahibinin sualıını cavablandıran M.Səmədova Ümummilli Líder Heydər Əliyev tərəfindən “İyirminci Əsr”in müqaviləsinin imzalanması və gerçəkləşməsi neft kapitalının Azərbaycan iqtisadiyyatının inkişaf etdirilməsi üçün istifadə edilməsi startegiyasının düzgün seçilməsinin parlaq təzahürü olduğunu vurğulamışdır. “Bakı-Tbilisi-Ceyhan” əsas ixrac neft və “Bakı-Tbilisi-Ərzurum” qaz boru kəmərlərinin inşa edilməsi və digər iri layihələrin həyata keçirilməsi nəticəsində Azərbaycan üçün iqtisadi inkişaf dövrünün başladığı və bu inkişafın kənd təsərrüfatı, metallurgiya sənayesi, kimya sənayesi, inşaat məhsulları istehsalı kimi digər sahələri də əhatə etdiyini bildirmişdir. O, paralel olaraq təhsil, səhiyyə mədəniyyət, elm və idman sahələrinidə də islahatların həyata keçirilməsindən danışmışdır. Bununla yanaşı ölkədə geniş infrastruktur layihələrinin həyata keçirildiyi və bölgələrdə yeni aeroport və limanların inşa olunduğu bildirilmişdir.
Eyni zamanda M.Səmədova ölkəmizin “Avroviziya” mahnı müsabiqəsi, “İlk Avropa Oyunları”, ”Formula 1 Qran Prix” idman avtomobil yarışı kimi tədbirlərə ev sahibliyi etdiyini və burada mütəmadi olaraq beynəlxalq, siyasi, humanitar xarakterli toplantıların keçirildiyini bildirmişdir. M.Səmədova onu da qeyd etmişdir ki, dünyanın bir çox ölkələrində islamafobiya da daxil olmaqla müxtəlif fobiyaların, dini dözümsüzlüyün geniş vüsət aldığı bir zamanda, Azərbaycan uzun illər boyu öz qonaqpərvərliyi, təhlükəsizliyi ilə müsəlman, xristian, yəhudi və digər millətlərin dinc əmin-amanlıq şəraitində yaşadığı, tolerantlıq, multikulturalizm və bütün dinlərin təmsilçilərinə ehtiram abu havası hökm sürən bir ölkə olduğunu sübut etmişdir. M.Səmədova, təməli Ümummilli Lider Heydər Əliyev tərəfindən qoyulmuş bu dəyərlərin bu gün də onun layiqli siyasi varisi olan Pezident İlham Əliyev tərəfindən ölkəmizdə qorunub saxlanıldığını böyük fəxrlə qeyd etmişdir.
Müsahibinin Azərbaycan İsrail əlaqələri barədə sualını cavblandıran M.Səmədova bu əlaqələrin dərin tarixi köklərə əsaslandığını və yüksək səviyyədə olduğunu bildirmişdir. Müsahibənin sonunda, əhalisinin əksəriyyətini müsəlmanlar təşkil edən bir ölkə kimi Azərbaycan cəmiyyətində qadının rolu və yeri, xüsusilə ölkənin birinci xanımı Mehriban Əliyevanın fəaliyyəti haqqında jurnalistin sualını cavablandıran müvəqqəti işlər vəkili, Mehriban Əliyevanın “Heydər Əliyev Fondu”nun Prezidenti, “UNESCO” və “ISESCO”nun xoşməramlı səfiri, millət vəkili, ictimai, siyasi və mədəni xadim kimi çoxşaxəli yorulmaz fəaliyyəti barədə ətraflı məlumat vermiş, eyni zamanda onun xalqımızın o cümlədən dünya xalqlarının tarixi-mədəni irslərinin qorunub saxlanlması işinə verdiyi töhfələrdən, xeyriyyəcilik sahəsində xüsusilə talassemiya və digər xəstəliklərdən əzab çəkən uşaqlara yardım göstərilməsi kimi insanpərvərliyin təcəssümü olan fəaliyyətindən danışmışdır. Daha sonra, M.Səmədova “Heydər Əliyev Fondu” tərəfindən ölkəmizdə və onun hüdudlarından kənarda tikilmiş məktəb, təhsil və tibb ocaqları, yeni salınmış parklar və fondun təşkilatçılığı ilə gerçəkləşən yerli və beynəlxalq səviyyəli mədəni tədbirlərdən söz açmışdır. Fondun və xüsusən Mehriban Əliyevanın fəaliyyəti barədə eşitdiklərinin onda heyranlıq hissi doğurduğunu gizlətməyən jurnalist Elena Bialostoki müsahibənin sonunda ölkəmizi 25 illik yubiley münasibətilə bir daha təbrik edərək Azərbayacana uğurlar və daimi yüksəliş arzu etmişdir.
Müsahibə ilə aşağıdakı link vasitəsilə tanış olmaq mümkündür:
