"Kino evi" fəaliyyətə başladı

Teleməkanda daha bir layihənin yayımına başlanılacaq

Ölkə.Az-ın məlumatına görə, "Kino evi" adlanan layihə "Lider" telekanalında yayımlanacaq.

Layihədə tanınmış xarici və yerli aktyor-aktrisaların həyatları, filmlərin təhlilləri yer alacaq. "Kino evi"nin "kino mətbəx" adlanan bölməsində isə yerli aktyorlar, şou ulduzları qonaq olacaqlar. Çəkiliş stilistikası və rəngarəngliyi ilə digər layihələrdən fərqlənən "Kino evi" istedadlı tamaşaçılar üçün də özünü göstərmək fürsəti yaradır. Belə ki, hər kəs çəkdiyi qısametrajlı filmi verilişin elektron ünvanına ([email protected]) göndərməklə onu efirdən izləyə bilər.

Xatırladaq ki, ideya müəllifi və aparıcısı Zeynəb Abdullah olan proqramın rejissoru və montajçısı İbrahim Feyzullayevdir (İBO).

Qeyd edək ki, verilişin informasiya dəstəkçisi Ölkə.Az saytıdır.

İntiqam VALEHOĞLU
Ölkə.Az