Almaniyada polis zorakılığı: 1 türk öldürüldü
Almaniyanın Bilefeld şəhərində polis zorakılığı nəticəsində bir nəfər ölüb.
Ölkə.Az "Anadolu" agentliyinə istinadən xəbər verir ki, Reyn-Vestfaliya əyalətinin bu şəhərində etnik türk Taner Demirçivi polislər tərəfindən öldürülüb.
Şahidlərin sözlərinə görə, qonşular evdə həyat yoldaşı ilə mübahisə edən türkdən polisə şikayət ediblər. Polis türk ailəsinin yaşadığı evə gəldiyində cütlük mübahisəsini bitirib sakitləşibmiş. Polisə hər şeyin qaydasında olduğunu desələr də əməkdaşlar Tanerə hücum edib onu döyməyə başlayıblar. Daha sonra mənzilə gözyaşardıcı qaz atılıb. Taner ürəkkeçməsindən ölüb.
Əyalət prokurorluğu insidenti araşdırır.
