Limonlu su ilə bağlı bilmədiyiniz

Limonun tərkibində qidalandırıcı maddələr, C və B vitamin kompleksi, kalsium, dəmir, maqnezium, kalium və sellüloz var. Maraqlısı odur ki, limonun tərkibində olan kaliumun miqdarı alma və üzümün tərkibindəki miqdardan daha çoxdur. Əgər hər səhər bir stəkan limonlu su içsəniz və bunu vərdiş halına çevirsəniz, çox faydalı olacaq. Limon şirəsi dişlərinizin emalını korlamasın deyə, onu adi su ilə, əsasən də isti su ilə qarışdırmağınız məsləhət görülür. Hər səhər yeməkdən 30 dəqiqə əvvəl limonlu su için. Niyə?

Səbəbini və limonlu suyun faydalarını ölkə.az sizə təqdim edir:

1. İltihabı azaldır
Müntəzəm olaraq limonlu su qəbulu orqanizmdə ağrıların səbəbi olan turşuluğun miqdarını azaldır. Limonlu su damarlarda olan sidik turşusunu qovur. Bu turşu isə iltihab yaranmasının əsas səbəblərindən biridir.

2. Həzm prosesini yaxşılaşdırır
Limon şirəsi nəinki sağlam həzmə səbəb olur, eyni zamanda mədə-bağırsaq traktında toksinlərin fəaliyyətini zəiflədir. Bu isə, gəyirmə, qıcqırma, köp kimi xoşagəlməz halların qarşısını alır.

3. Arıqlamağa kömək edir
Limonun tərkibində olan pektin maddəsi yemək asılılığı ilə mübarizədə faydalıdır.

4. Orqanizmi toksinlərdən təmizləyir
Limonlu su orqanizmdə olan toksinləri ferment funksiyasını artırma yolu ilə yumağa kömək edir. Bu funksiya qaraciyəri stimullaşdırır.

5. Dəri ləkələrini aradan götürür
Limon şirəsinin tərkibində olan antioskidantlar nəinki dəri ləkələrini, eyni zamanda qırışları da aradan götürür. Dərinin parlaq qalmasına xidmət edir.

6. İmmun sistemini stimullaşdırır
C vitamini immun sisteminə çox müsbət təsir göstərir. Limonun tərkibində isə C vitamini kifayət qədər çoxdur. Əsasən də stress zamanı bədəndə olan C vitamininin miqdarını artırmaq məsləhət görülür.

7. Əla kalium mənbəyi
Limonun tərkibində olan kalium ürək sağlamlığı, beyin və sinir sisteminin funksiyası üçün çox faydalıdır.

8. Nəfəsi təravətləndirir
Limonlu su diş ağrısı və damaq iltihabına qarşı yaxşı vasitədir. Limon turşusu diş emalını dağıda bilər. Bu səbəbdən limon suyu içənə qədər dişlərinizi fırçalayın.

9. Enerjini artırır
Limon suyu orqanizmi enerji ilə təmin edir. Bu isə, narahatçılıq və depressiyanı azaltmağa kömək edir. Qeyd etmək lazımdır ki, limonun ətri sinir sisteminə sakitləşdirici təsir edir.

10. Kofein istifadəsini azaltmağa lömək edir
Səhərlər içməyə adət etdiyiniz bir fincan qəhvəni limonlu su ilə əvəz edin. Effektini hiss edəcəksiniz! Günün ikinci yarısında gümrahlığınızı qoruyub saxlayacaqsınız. Bundan başqa, əsəbləriniz də qaydasında olacaq.

11. Viruslu infeksiyalara qarşı mübarizə aparmağa kömək edir
İsti limonlu su virus infeksiyalarını azaltmaq və boğaz ağrısının qarşısını almaq üçün əla vasitədir. Bundan başqa, limonlu su immun sistemini də möhkəmləndirir ki, bu da infeksiyalarla mübarizəyə yardım edir.

Nə qədər içmək lazımdır?

Çəkisi 70 kq-dan az olan insanlar yarım limonu 1 stəkan suya sıxıb içsinlər. Əgər çəkiniz 70 kq-dan artıqdırsa, bir limonu bir stəkan suya sıxıb içiniz.

Hikmət
Ölkə.Az