Azərbaycanlını buna görə boğub öldürdülər

Cinayətkar saxlanılıb

2014-cü il sentyabrın 29-da Yelizovo şəhərində Polovinka çayında 53 yaşlı Azərbaycan vətəndaşının üzərində zorakılıq əlamətləri, baş nahiyəsində çoxsaylı yaraların olduğu cəsədi tapılıb.

Bu fakt üzrə Yelizovo şəhərində Rusiya Federasiyası Cinayət Məcəlləsinin 105-ci (qətl) maddəsi üzrə cinayət işi açılıb.

Məhkəmə tibbi ekspertizasının çıxarışına görə zərərçəkən mexaniki asfiksiya, nəfəs yollarının su ilə tutulması nəticəsində ölüb.

İstintaq və əməliyyat-axtarış tədbirləri nəticəsində şübhəli bilinən şəxs müəyyən edilib. Bu, 28 yaşlı Çita şəhər sakini olub. O, Kamçatka ərazisinə qazanc üçün gəlib, amma işverən ilə heç bir əmək münasibəti olmayıb. Cinayəti törətdikdən sonra elə həmin gün Vladivostoka uçub, ordan isə qatarla Çitaya gedib.

Oktyabrın 16-da şübhəli bilinən şəxs Çita şəhərinin mərkəzi rayon məhkəməsinin qərarı ilə həbs edilib. Hal-hazırda cinayətkar Kamçatka vilayəti ərazisinə göndərilib.

Müstəntiq tərəfindən ona RF CM-in 105 m. 1 b. (qətl) üzrə cinayət işi açılıb. Dindirilmə zamanı müttəhim göstərib ki, cinayəti içkili halda törədib, səbəb isə zərərçəkənin qızla danışığını bəyənmədiyi olub./Oxu.az/

Ölkə.Az