Pakistanda terror dəhşəti: 59 ölü, 117 yaralı

Pakistanın Belucisan əyalətində terrorçular polis təhsil mərkəzinə silahlı hücum ediblər.

Ölkə.Az xəbər verir ki, hücum nəticəsində çoxu polis namizədi olan 59 tələbə həlak olub, 117 nəfər isə yaralanıb.

Təhlükəsizlik xidmətinin verdiyi məlumata əsasən, 3 silahlı terrorçu Kvetta şəhərində 200 nəfərlik polis təhsil mərkəzinə hücum edib.

5 saatlıq hücumda bir neçə nəfər tələbə də girov götürülüb. Hücumçular əvvəlcə avtomat silahlardan atəş açıblar. İki terrorçu isə üzərlərinə quraşdırılmış bombanı işə salıblar.

Pakistan ordusunun generalı Şer Afqunun fikrinə görə, hücum Laşkar-i-Cangvi terror təşkilatı tərəfindən həyata keçirilib.

Hikmət
Ölkə.Az