Azərbaycanda yeni informasiya agentliyi fəaliyyətə başladı
Azərbaycanda yeni informasiya agentliyi fəaliyyətə başlayıb. “Report” müstəqil informasiya agentliyinin (İA) əsas veb-resursu olan www.report.az saytı bu gündən etibarən oxucuların istifadəsinə verilib.
“Report” İA siyasət, iqtisadiyyat, cəmiyyət, idman, mədəniyyət və digər sahələr üzrə ölkədə və dünyada baş verən ən vacib hadisələri oxuculara operativ şəkildə çatdırmağı qarşısına məqsəd qoyub. Agentlikdə qeyd olunan sahələrin peşəkar və əhatəli işıqlandırılması üçün öz sahəsi üzrə ixtisaslaşmış jurnalistlər çalışır.
Saytın “Analitika” bölməsində isə müvafiq sahələrin mütəxəssisləri olan jurnalist və ekspertlərin analitik yazıları dərc olunacağı bildirilir.
Ölkə.az kollektivi adından report.az-da çalışan bütün jurnalist həmkərlarımıza işlərində uğurlar və müvəffəqiyyət arzulayırıq.
Ölkə.az
