Azərbaycan, İran və Rusiya prezidentlərinin Bəyannaməsi təsdiq olunur

Milli Məclisin növbəti iclasının tarixi və gündəliyə daxil olan məsələlərin siyahısı bəlli olub.

Ölkə.Az-ın məlumatına görə, parlamentin növbəti plenar iclası oktyabrın 28-də keçiriləcək.

İclasın gündəliyinə 14 məsələ daxil edilib. Bunlar “BMT-nin İqlim Dəyişmələri üzrə Çərçivə Konvensiyasının 21-ci Tərəflər Konfransı zamanı qəbul edilmiş “Paris Sazişi”nin təsdiq edilməsi haqqında”, “Azərbaycan Hökuməti ilə İran Hökuməti arasında bitki mühafizəsi və bitki karantini sahəsində əməkdaşlıq haqqında” sazişin təsdiq edilməsi, “Azərbaycan, İran və Rusiya prezidentlərinin” Bəyannaməsinin təsdiq edilməsi haqqında”, “Azərbaycanın Cinayət Məcəlləsində dəyişiklik edilməsi haqqında”, “Azərbaycanın İnzibati Xətalar Məcəlləsində dəyişiklik edilməsi haqqında”, “Dini etiqad azadlığı haqqında” qanunda dəyişiklik edilməsi barədə”, “Kütləvi informasiya vasitələri haqqında” qanunda dəyişiklik edilməsi barədə”, “Televiziya və radio yayımı haqqında” qanunda dəyişiklik edilməsi barədə”, “İctimai televiziya və radio yayımı” haqqında qanunda dəyişiklik edilməsi barədə”, “Telekommunikasiya haqqında” qanunda dəyişiklik edilməsi barədə”, “Elektroenergetika haqqında” qanunda dəyişiklik edilməsi barədə”, “Qaz təchizatı haqqında” qanunda dəyişiklik edilməsi barədə”, “Su təchizatı və tullantı suları haqqında” qanunda dəyişiklik edilməsi barədə” və “Yol hərəkəti haqqında” qanunda dəyişiklik edilməsi barədə” qanun layihələri ilə bağlıdır.

Zaur Əziz
Ölkə.Az