Joze Mourinyo həyatından şikayətləndi

"Mançester Yunayted" klubunun baş məşqçisi Joze Mourinyo dumanlı Albionda həyatının idealdan çox uzaq olduğunu bildirib.

Ölkə.Az xəbər verir ki, portuqaliyalı məşqçi Mançesterdə ev almaq barədə düşünür. Bu il onun qızının 20, oğlunun isə 17 yaşı tamam olur. Jozenin hər iki övladı Londonda ali təhsil alır. Mourinyo bu barədə belə deyib: "Onlar artıq böyüyüb, indi mənimlə hər yerə getmirlər. Ailəm indi tam başqa cürə yaşayır. Ümid edirik ki,problemləri həll edəcəyik".

Portuqaliyalı məşqçi eyni zamanda qeyd edib ki, ailəsindən ayrılıqdan sonra Britaniya paparassiləri ona gün verib - işıq vermir: "Hərdən sadəcə gəzmək istəyirəm, amma bu alınmır. Körpünü keçərək restorana girmək istəyirəm, fotoqraflar imkan vermir. Bu dəhşətdir. Çox vaxt yeməyi telefonla sifariş edirəm".

Mourinyo yaxın vaxtlarda ailə problemini həll etməyi, vacib qərarlar verməyi planlaşdırır.

Hikmət
Ölkə.Az