Reynaldo milliləşir?

Bu gün AFFA-nın inzibati binasında jurnalistlər üçün brifinq keçirilib. Brifinqdə iştirak edən AFFA-nın baş katibi Elxan Məmmədov futbol ictimaiyyətini maraqlandıran sualları cavablandırıb.

Brifinqdə maraqlı açıqlamalar verən Elxan Məmmədov adı milli komanda ilə yanaşı çəkilən Reynaldo barədə danışıb. O, braziliyalının milliləşdirilməsinə əsas əngəl kimi FİFA-nın qoyduğu sərt qanunları göstərsə də, bu məsələnin daha çox futbolçudan asılı olduğunu qeyd edib.
AFFA-nın baş katibi Bakının 2020-ci ildə Futbol üzrə Avropa Çempionatının final mərhələsini qəbul etmək şansları barədə də danışıb.

“Təbii ki, burada yeni stadionun inşası böyük rol oynayır, çünki həmin stadionun inşası verilən məlum qərardan sonra deyil, məhz qərardan öncə inşasına başlanılıb. Bu da çox vacib məsələdir”, - deyə Elxan Məmmədov qeyd edib.

Qeyd edək ki, futbol üzrə Avropa Çempionatını qəbul edəcək 13 şəhərin adına sentyabrın19-da aydınlıq gələcək. (ANS TV)

Ölkə.Az