Ərdoğan Obama ilə Suriya və İraq məsələsini müzakirə edib

ABŞ prezidenti Barak Obama Türkiyəli həmkarı Ərdoğanla telefon vasitəsilə Suriya və İraq məsələsini müzakirə edib.

Ölkə.Az xəbər verir ki, İŞİD terror qruplaşmasına qarşı keçirilən əməliyyatlar danışığın əsas mövzusu olub.

Tərəflər terrora qarşı mübarizə məsələsində gələcək addımları ilə bağlı fikir mübadiləsi ediblər. ABŞ prezidenti rəsmi Ankaranın İŞİD-ə qarşı atdığı addımları, Azad Suriya Ordusuna verilən dəstəyi və Suriya ilə sərhəd rayonlarda terrorçulara qarşı aparılan əməliyyatları yüksək qiymətləndirib.

Dövlət başçıları terrorizmə qarşı mübarizəni gücləndirmək barədə ortaq qərara gəliblər. Eyni zamanda, PKK-ın Şimali İraqda fəaliyyətinin yolverilməz olduğunu vurğulayıblar. Həmçinin bildirilir ki, Obama Türkiyənin iştirakı ilə bağlı Ankara və Bağdad arasında dialoqdan məmnun qalıb.

Hikmət
Ölkə.Az