Yadplanetlilər barədə faktları hansı qurumlar gizli saxlayır?

Yadplanetlilərin mövcudluğu barədə faktlar bu vaxta qədər gizli saxlanılırdı.

Ölkə.Az xəbər verir ki, NASA və NATO-nun keçmiş əməkdaşları yadplanetlilərin mövcudluğunu gizlətmək üçün agentliklər tərəfindən hansı üsullardan istifadə edildiyini açıqlayıblar.

Mühəndis-mexanik olan doktor Berqran bildirib ki, NASA qəsdən Ayın fotolarını tündləşdirir ki, cəmiyyət bu fotolarda şübhəli faktları görə bilməsin. Bir dəfə Berqran Ayın fotolarını analiz edib və qəribə obyektlər kəşf edib. O, bu barədə iş yoldaşına məlumat verib. İş yoldaşı isə bildirib ki, obyektlərin görünməməsi üçün fotolar qəsdən tündləşdirilib.

Mars planetinin tədqiqi ilə məşğul olan doktor Oliri "Marsda insan üzü" adlı məşhur fotonun hazırlanmasında iştirak edib. O, bildirir ki, foto redaktə edilib və sifətin cizgiləri silinib. Bu fotoda insan siması təbiət fenomeni kimi verilib. Əslində isə bu yaradılmış süni obyektin fotosudur.

İstefada olan NATO əməkdaşı mayor Bob Din bildirir ki, hökumət tərəfindən Apollon proqramının 40-dan çox video çarxı məhv edilib. Bu proqram çərçivəsində Ayın səthinə idarəedilən kosmik gəmi enib. Amma dövlət bu kadrları cəmiyyətə təqdim etməyi uyğun bilməyib.

NASA-da işləyən Donna Xeyr iddia edir ki, astronavtlar müntəzəm olaraq kosmosda UNO-larla qarşılaşırlar. Amma dövlət tərəfindən təhdidə məruz qaldıqları üçün bu faktları cəmiyyətə çatdıra bilmirlər.