Müğənni Hicran Rəqsanənin bacısıdır?

Hicran xanım açıqlama verərək Rəqsanə ilə heç bir qan bağlılığı olmadığını açıqlayıb

Ölkə.Az xəbər verir ki, ilk mahnısı və klipi ilə diqqət çəkən müğənni Hicran Selcan həmkarı Rəqsanəyə bənzədilməsindən dolayı narazılıq edib. Hətta bəziləri onu Rəqsanənin bacısı belə hesab ediblər. Bunu duyan Hicran xanım açıqlama verərək Rəqsanə ilə heç bir qan bağlılığı olmadığını açıqlayıb. Bildirib ki, nəinki Rəqsanənin bacısı deyil, ümumiyyətlə, ona əsla bənzərliyi yoxdur: “Sənətə Hicran kimi gəlmişəm. Fərqli ifam və görünüşüm var. Peşəkar insanlarla çalışıram. Üstəlik, vizajistim Gülşən xanım məni əsla hansısa müğəniyə bənzətməz. Üstəlik, Rəqsanəyə bənzəmək mənim üçün prestij hesab olunmur. Bunu təhqir mənasında demirəm. Sadəcə nəinki Rəqsanəyə, ümumiyyətlə, hansısa tanınmışa bənzədilməyimi müsbət hal kimi qarşılamıram”.

Xatırladaq ki, Hicran Selcan az müddət əvvəl sözləri və musiqisi Azər Nəsibovun olan “Günahkardır qəlbimiz” adlı mahnısına klip çəkdirib. Mahnı, klip və ifa dinləyicilər tərəfindən yüksək qarşılanıb.

Hicran Selcan tanınmış rejissor Rəhman Əliyevin yeni layihələrindəndir. Sözügedən klipi diqqətinizə çatdırırıq.

Rəşid Mustafazadə

Ölkə.Az