Rusiya bəyanat verdi: Artıq vaxt yetişdi!

Rusiya xarici işlər naziri Lavrov Hələbdə Ən-Nusra cəbhəsi ilə əlaqələrini kəsməyən bütün müxalifət qüvvələrinin hədəf alınacağını bildirib.

Ölkə.Az xəbər verir ki, Sergey Lavrov Suriya və İranlı həmkarları ilə görüşdən sonra kameraların qarşısına keçərək Moskvanın yeni strategiyasını açıqlayıb. Moskvanın fikrinə görə, onun bu həmləsi ABŞ tərəfindən də dəstəklənəcək.

Şimal qonşumuzun xarici işlər naziri Hələbdə El Nusradan ayrılmağı qəbul etməyən bütün müxalifətin məhv ediləcəyini bilirib.

Üçtərəfli görüşdən sonra mətbuata açıqlama verən Lavrov deyib ki, rus hərbi hava qüvvələri artıq 10 gündür ki, Hələb əməliyyatında iştirak etmir. Terrorçuların işini bitirmək lazımdır. Hələbdəki bəzi müxalifət qruplaşmasının El Nusradan ayrılmağa aid planının olmadığı aydın surətdə hiss edilir. Bu səbəbdən onların da terrorçu qruplaşmalar ilə eyni hədəf olduğunu düşünməyin vaxtı çatıb.

Suriyalı müxalifət qüvvələri Hələbin müdafiəsini yarmaq üçün bu gün böyük hücum təşkil etmişdilər. Hücumdan sonra isə Lavrovun bu açıqlaması dünya mətbuatının gündəminə oturdu.

Hikmət
Ölkə.Az