“Twitter” “Vine” əlavəsini bağlayır
“Twitter” yaxın vaxtlarda özünün “Vine” mobil əlavəsini bağlayacaq. Qısa video xidmətinin veb versiyası isə fəaliyyətini davam etdirəcək.
Ölkə.Az-ın İKT.lent.az-a istinadən xəbərinə görə, bu haqda layihənin bloqunda məlumat verilib.
“Vine” layihəsi 2013-cü ildə hazırlanıb və hələ istifadəyə verilməmiş “Twitter” tərəfindən satın alınıb. Ən yaxşı vaxtlarında layihənin auditoriyası 200 milyon nəfər təşkil edib. Lakin “Twitter” xidmətin inkişafına diqqət yetirməyib və “İnstagram”ın da yaranması ilə “Vine” öz populyarlığını itirib.
Xatırladaq ki, “Twitter” öz əməkdaşlarının 9 faizini ixtisara salıb.
