Yerişini göstər, deyim kimsən

Yeriş tərzi insan taleyinə necə təsir edir?

Ölkə.Az xəbər verir ki, Kanadada bir qrup psixoloq müəyyən edib ki, insanın yeriş tərzi onun daxili vəziyyətini göstərir və onun dəyişməsi birbaşa xasiyyətin, hətta, taleyin də dəyişməsinə səbəb olur. Psixoloqların fikrincə, qəmli-kədərli yeriş insanın taleyinə mənfi təsir göstərir, əks halda isə insan daha gümrah, daha pozitiv ola bilir.

Tədqiqatçılar bir neçə təcrübə keçirərək bu fikri sübut etməyə çalışıblar. Belə ki, onlar iki şəxsə ayrılıqda mənfi yüklü və müsbət yüklü sözlər deyiblər. Daha sonra isə onlardan biri başıaşağı, ləng yeriyərək müəyyən ərazini keçmiş, digəri isə daha canlı, daha enerjili yeriş tərzində eyni yolu qət edib.

Hər iki şəxs qayıtdıqdan sonra onların hər birindən hansı sözlərin yadda qaldığı soruşulub. Nəticə isə tədqiqatçıları şoka salıb. Daha pozitiv yerişlə yolu qət edən şəxs yalnız müsbət yüklü sözləri, digəri isə ancaq mənfi sözləri yadda saxlayıb.

Alimlər qeyd ediblər ki, hər iki şəxsin əhval-ruhiyyəsi demək oalr eyni olub, lakin daha həvəssiz, başıaşağı şəkildə yeriyən şəxs heç bir əsaslı səbəb olmadan ancaq pessimist yüklü sözləri yadda saxlayıb.

Nəticədə məlum olub ki, məhz yeriş tərzi insanda müsbət və ya mənfi enerjinin, fikirlərin yaranmasına səbəb ola bilir. Hər yaşanan gün isə bizim ömrümüzü təşkil etdiyindən taleyimizə də birbaşa təsir göstərmək gücünə malikdir.

Rəşid Mustafazadə

Ölkə.Az