Qaret Beyl dünyanın ən bahalı futbolçusu oldu
"Real Madrid" futbol klubu oyunçu Qaret Beyl ilə müqaviləsini 2022-ci ilə qədər uzadıb.
Ölkə.Az xəbər verir ki, yeni müqaviləyə əsasən, Beyl dünyanın ən bahalı futbolçusu olub.
Klub rəhbərliyi yeni müqavilənin detallarını açıqlamaqdan imtina etsə də, sözləşmənin maliyyə tərəfi barədə detallar mətbuata sızdırılıb.
Beyl yeni müqaviləyə əsasən klubdan 670 min avro həftəlik alacaq. Vergilər çıxıldıqdan sonra Qaret klubda həftəsi 390 min avroya top qovacaq. Bu rəqəm oyunçuya Kriştianu Ronaldunu kölgədə qoymağa imkan verib. Belə ki, Ronaldunun klubdan həftəlik aldığı maaş 325 min avrodur.
Qaretin yeni müqaviləsində dəyən zərərə görə 1 milyard dollar pul ödənilməsi də nəzərdə tutulub.
Xatırladaq ki, Beyl 2013-cü ildən "Real Madrid" klubunun şərəfini qoruyur.
Hikmət
Ölkə.Az
