Lukaşenko ərəb şeyxinə varlanmağa dair məsləhət verib
Belarus prezidenti Aleksandr Lukaşenko Abu-Dabinin şahzadəsi şeyx Məhəmməd bin Zaid Əl Nəhyanla görüşü zamanı iqlimin maliyyə rifahına necə təsir göstərə biləcəyindən danışıb
“Hesab edirəm ki, əgər sizin bölgədə daha çox yağış və qar yağsa, siz daha da zəngin olarsınız”, - Lukaşenko deyib.
Şeyx öz növbəsində Belarus prezidentini əmin edib ki, Birləşmiş Ərəb Əmirlikləri 20 ildir bu məsələ üzərində işləyir.
“Biz hətta bu sahədə ən yaxşı texnologiyaya görə şeyx Zaid adına xüsusi mükafat təsis etmişik”, - Məhəmməd bin Zaid Əl Nəhyan bildirib.
Qeyd edək ki, hazırda Belarus prezidenti Birləşmiş Ərəb Əmirliklərində rəsmi səfərdədir. (oxu.az)
