"Girovlarımıza qarşı edilən hərəkət girovlarla davranış kodeksinə uyğundur?"

Hüquqşünas Elman Fəttah azərbaycanlı girovların məhkəmə zalına gözü bağlı gətirilməsini əsirlərlə davranış qaydasına zidd hərəkət olaraq qiymətləndirib.

Ölkə.Az-a-ın sualını cavablandıran hüquqşünas bildirdi ki, məhkəməyə nəinki gözü bağlı, başı torbalı gətirilmək, hətta əli qandallı olaraq məhkəmə qarşısına çıxarılmaq belə insan haqlarına qarşı ziddir.

- Girovlarımıza qarşı edilən hərəkət "girovlarla davranış kodeksinə" uyğun idi?

- "Məhkəməyə nəinki gözü bağlı, başı torbalı gətirilmək, hətta əli qandallı olaraq məhkəmə qarşısını çıxarılmaq belə insan haqlarına qarşı ziddir, avropa standartlarına görə, məhkəmə sistemində bu yolverilməz haldır. Öz-özlüyündə isə bir işgəncə hadisədir.

Bəyanat məsələsinə gəlincə, əsirlikdə olan insan özünün iradəsini ifadə edəcək iqtidarda deyil. Buna görə də, onun adından yazılmış, ona məcbur şəkildə imzalanmış bütün saxta açıqlamalar və fikirlər təzyiqin məhsuludur. Bu hadisə bütövlükdə əsirlərlə davranış kodeqsinə kəskin şəkildə ziddir və işgəncə xarakteri daşıyır".

Xatırladaq ki, ermənilərin girov götürdüyü azərbaycanlı Şahbaz Quliyev və Dilqəm Əsgərovu ötən gün keçirilən məhkəmə prosesində zala gözü bağlı şəkildə gətirilmişdir.

Fatimə İbrahimova
Ölkə.Az