Donald Tramp: \"Hillari Klinton dünya müharibəsini başlamaq istəyir\"

ABŞ prezidentliyinə namizəd Donald Tramp rəqibi Hillari haqda şok iddia səsləndirib.

Ölkə.Az xəbər verir ki, Trampın fikrinə görə, Demokratların namizədi Hillari ABŞ-ı Suriya ərazisində Rusiya ilə münaqişəyə cəlb etmək fikrindədir. Bu isə üçüncü dünya müharibəsi deməkdir. Tramp bu iddianı Miçiqanda seçiciləri ilə görüşdə səsləndirib.

Onun sözlərinə görə, xanım Hillari və hakim qüvvələr tərəfindən Yaxın Şərq müharibəsinə 6 trilyon dollar pul xərclənib. Ərazidə vəziyyət olduqca kritikir. İndi isə xanım Klinton Suriyada nüvə Rusiyası ilə əsl müharibəyə başlamaq istəyir. Bu isə ABŞ-ı üçüncü dünya müharibəsinə cəlb etmək deməkdir.

Milyarderin fikrinə görə, şəxsi elektron məktub qutusunu idarə edə bilməyən Hillari ABŞ-ı idarə edə bilməz. Əgər Demokratların namizədi prezident seçilsə, skandallar, satqınlıqlar və faciələr ABŞ-ı cənginə bürüyəcək.

Hikmət
Ölkə.Az