Girovların divan məzhəkəsi

Erməni nəşrləri iddia edir ki, diversiyada günahlandırılan Azərbaycan vətəndaşları qismən öz günahlarını etiraf ediblər.

Düzü, niyə bu qədər işkəncələrdən sonra onlar boyunlarına qoyulan “günahları” tam təsdiqləməyiblər, mənim üçün də qaranlıq qalır. Mən hətta düşünürdüm ki, ermənilərin casus və diversant saydığı Şahbaz Quliyev məhkəmədə deyəcək ki, əslində o, Roma papasıdır, ikinci “casus” və “diversant” Dilqəm Əsgərov isə etiraf edəcək ki, o, əslində Ceyms Bonddur və onların hər ikisinə İrəvandakı AES binasını partlatmaq tapşırığı verilib.

Xatırladaq ki, işğal rejiminin “polisinin” iddiasına görə, onun hər ikisi kəşfiyyat məqsədi ilə və casusluq məlumatı yığmaq üçün rayonların birinin ərazisinə giriblər. Özü də onların əlində o qədər silah olub ki, onun daşınması üçün Qarabağ eşşəklərindən ibarət kiçik bir karvan lazımdır. Təəssüf ki, heyvanları tutmadılar, amma Quliyev və Əsgərovu tutdular.

Bu insanların bütün günahı ondadır ki, onlar doğulduqları və erməni qoşunları tərəfindən qovulana qədər yaşayıb-işlədikləri doğma torpaqlarındakı evlərinə dönüblər. Casusluq və məlumat yığılması barədə söhbətlər sadəcə gicbəsər söhbətidir. Bu, insansız yerlərdə hansı məlumatı toplamaq olar, bu xarabalıqların içində nəyi partlatmaq olar? Orda nə raket qurğuları, nə də tankodromlar var.

Görəsən, rəsmi İrəvanın bu məhkəmə məzhəkəsi nəyinə gərəkdir? Sadəcə, bu, yaxın sovet keçmişinin arxivlərindən götürülmüş növbəti təbliğat gedişidir. Yenə də sual yaranır, bu oğlanların barəsində qərar çoxdan verildiyi halda, bu, məhkəmə tamaşası nəyə gərəkdir. Sadəcə, bu qərarı oxumaq lazımdır.

Bu işğal zonasının divantutma mexanizminə avtoritet görüntüsü vermək üçün, erməni mətbuatı bazara belə bir məlumat buraxıb ki, məhz Dağlıq Qarabağ məhkəmə sisteminə etibar səviyyəsinə görə, bütün postsovet məkanından irəlidədir. Özü də, bu zaman hansısa beynəlxalq sosioloji tədqiqata əsaslanırlar. Amma “tədqiqat”da iddia edilir ki, Dağlıq Qarabağda əhalinin 72%-i məhkəmə sisteminə etibar edir, onsuz da göydəndüşmə rəqəmdir, niyə 100% yazmayıblar, bilmirəm.

Özü də, bu məlumat dövriyəyə məhkəmə məzhəkəsindən bir-iki gün qabaq buraxılmışdı.

Azərbaycan və onun rəhbərliyi bu gün girovların azad olunması üçün bütün lazımi tədbirləri görürlər. Gec-tez bu məhkəmə şousunun quruluşçuları bizim ölkənin tələbləri ilə razılaşmalı olacaqlar. Və onda bu məhkəmə məzhəkəsi adi bir sabun köpüyü kimi partlayacaq.(ANSPRESS)

Ölkə.Az