Saksoniyada yerli əhali ilə qaçqınlar arasında toqquşma olub

Almaniyanın Bautsen şəhərində, Saksoniya ərazisində sağ görüşlü radikallarla miqrantlar arasında toqquşma baş verib.

Ölkə.Az xəbər verir ki, toqquşmaya səbəb 20 yaşlı qaçqının yerli sakinlərdən birinə hücum etməsi olub.

Bu hadisədən sonra şəhər sakinləri üç miqrantı təqib edərək onlara daşla hücum ediblər. Polis əməkdaşları 4 nəfəri saxlayıb. Hal-hazırda hüquq mühafizə orqanları tərəfindən hadisə şahidləri dindirilir. Xəbər verilir ki, toqquşmada xəsarət alan olmayıb.

Xatırladaq ki, cari ilin sentyabr ayında da yerli sakinlərlə qaçqınlar arasında ciddi qarşıdurma yaranmışdı.

Hikmət
Ölkə.Az