Ruslar Türkiyəyə xarici pasport olmadan da səfər edə biləcəklər

Türkiyə xarici işlər nazirliyi rusiyalılara təklif edib ki, bu ölkəyə xarici pasport olmadan, yəni şəxsiyyət vəsiqəsi ilə səfər etsinlər.

Ölkə.Az xəbər verir ki, Türkiyə xarici işlər naziri Mevlud Çavuşoğlu rus turistləri cəlb etmək üçün yeni tədbirlər həyata keçirməyi planlaşdırır. O, bildirib ki, rus turistlər Türkiyəyə xarici pasport olmadan da səfər edə bilərlər.

Nazir çıxışında qeyd edib ki, Rusiyalı turistlərin Türkiyəyə şəxsiyyət vəsiqəsi ilə səfəri mümkündür. Təhlükəsizlik nöqteyi nəzərdən bir sıra tədbirlər həyata keçirilməlidir.

Növbəti turizm mövsümü üçün planlama işlərinə start verilib. Türkiyə 2017-ci ildə Rusiyadan böyük turist axının olacağına ümid edir. Sentyabrın sonunda iki dövlət arasında çarter reysləri bərpa edildikdən sonra, Rusiyadan Türkiyəyə 60 min turist səfər edib.

Hikmət
Ölkə.Az