İraqın baş naziri yenə Türkiyəni hədələdi

İraqın baş naziri Heydər əl-Abadi türk silahlı qüvvələrini yenə hədələyib.

Ölkə.Az xəbər verir ki, Abadinin bəyanatına görə, Türkiyə ordusunun icazəsiz olaraq Mosula müdaxiləsi ölkəyə hücum kimi qiymətləndiriləcəkdir. İraq dövləti Türkiyə ilə müharibə etmək istəməsə də, amma lazım gəlsə, müdafiə olunacaqlarını bildirib.

Dövlət televiziyasına müsahibə verən Əl-Abadi deyib:

"İki qonşu dövlət arasında müharibə olsa, bu nə Türkiyənin, nə də İraqın xeyrinə olar. Əgər müharibə və problemlər davam etsə, hər iki xalq zərərə uğraya bilər. Bu səbəbdən müharibə istəmirik".

Prezidentin sözlərinə görə, Türkiyə ilə diplomatik münasibətlər normaldır. Amma müəyyən qüvvələr İraq və qonşu Türkiyə arasında münasibətləri qızışdıraraq, hər iki dövləti müharibəyə sürükləyir. Bu vaxta qədər İraq tərəfdən müharibənin qarşısını almaq üçün bir çox addım atılıb. Amma türk ordusu İraq ərazisinə icazəsiz girərsə, cavabını artıqlaması ilə alacaqdır.

Hikmət
Ölkə.Az