İrəvanda zavod fəhlələri yolu bağladılar

Ermənistanın paytaxtı Yerevan şəhərində "Nairit" zavodunun keçmiş işçiləri yolu bağlayıblar.

Ölkə.Az xəbər verir ki, kimya zavodunun əməkdaşları müəssisəyə gedən yolu bağlayaraq, verilməyən əmək haqqlarını tələb ediblər. Hadisə yerinə polis əməkdaşları və yol patrul xidməinin polisləri cəlb edilib.

Ötən il də zavod əməkdaşları maaşlarını almaq üçün dəfələrlə hökumət evi və prezident aparatının qarşısında aksiya keçirmişdilər. 2015-ci ilin avqust ayında Ermənistan hökuməti "Nairit" zavodunun 2 min əməkdaşına gecikmiş maaşları ödəmişdi. Borc 11 milyon dollar idi. Bu dəfə isə zavod əməkdaşları maaşların gecikməsi üçün yığılan cərimələri tələb edirlər.

Qeyd edək ki, zavod 2010-cu ildən fəaliyyətini dayandırıb.

Hikmət
Ölkə.Az