55 ildən sonra Kubada bir ilk baş verdi

Kommunist rejimi tərəfindən idarə olunan Kubada 55 il sonra Katolik kilsəsinin inşa edilməsinə icazə verilib.

Ölkə.Az xəbər verir ki, Kuba hökuməti 55 il aradan sonra ölkədə Katolik kilsəsinin inşa edilməsinə icazə verib. Pinar del Rio bölgəsinin qərbində yerləşən Sandinoda inşa ediləcək kilsənin maliyyələşdirilməsi Floridanın Tampa şəhərindəki Katoliklər tərəfindən təmin ediləcək.

"Xristian Həyatı" adlı katolik nəşrinin verdiyi məlumata görə, 200 adam tutumlu kilsənin inşasına icazəni verilməsi Kuba və Katolik dünyası arasındakı əlaqələrdə yeni bir addımdır.

"Ölkədə uzun illər sonra hökumətin belə bir qərarı qəbul etməsi Katolik dünyasının mərkəzi Vatikanla kommunist rejimi ilə idarə olunan Kuba arasındakı əlaqələrin müsbətə doğru getdiyinin sübutudur" - , deyə nəşrdə qeyd olunub. Kubada 1959-cu ildə reallaşan inqilabın ardından Kuba Katolik Kilsəsi və hökumət arasında illərlə gərgin münasibətlər mövcud olub.

Con Paul və 16-cı Benedikt Papaları ada ölkəsini ziyarət etdikdən sonra hökumət Milad bayramını milli tətil elan etmiş və kütləvi dini mərasimlərə icazə vermişdi.

Rəşid Mustafazadə

Ölkə.Az